Delio â Straen

Cred llawer o bobl bod smygu yn eu helpu i ymdopi â straen - yn aml mae hyn yn broblem pan ddaw i roi'r gorau i smygu. Yr unig reswm y mae smygu yn gwneud i ni deimlo'n fwy esmwyth yw am ei fod yn rhoi rhyddhad byrdymor i ni o flysiau. Mae straen a phryder yn dychwelyd yn fuan, yn aml yn gryfach na chynt, gan wneud i chi fod eisiau smygu sigarét arall. Mae gwaith ymchwil wedi canfod bod rhoi'r gorau i smygu yn lleihau lefelau o straen mewn gwirionedd - felly er mwyn rhyddhau straen go iawn - rhowch y gorau i smygu!

Awgrymiadau defnyddiol:

• Byddwch yn Bositif. Mae'n helpu i deimlo'n dda amdanoch eich hun, wedi'r cyfan, rydych wedi gwneud un o'r pethau gorau y gallwch ei wneud - rydych wedi rhoi'r gorau i smygu. Byddwch yn teimlo'n well, byddwch yn iachach a bydd gennych fwy o arian i'w wario
• Gofalwch amdanoch eich hun. Ceisiwch fwyta'n iach a chael digon o gwsg ac ymarfer corff
• Symudwch. Mae gwaith ymchwil yn dangos bod gweithgarwch rheolaidd yn gwella eich hwyliau ac yn eich ymlacio
• Cymerwch un dydd ar y tro. Peidiwch â cheisio gwneud gormod drwy bennu nodau afrealistig
• Mwynhewch. Neilltuwch amser bob diwrnod i wneud rhywbeth rydych yn ei fwynhau

Efallai bod gennych eich awgrymiadau defnyddiol eich hun - os felly, rhowch wybod i ni!

Ffoniwch ein llinell gymorth am ddim ar 0800 085 2219 i siarad ag aelod o'n tîm cyfeillgar a chael gwybod am eich sesiwn agosaf.