Mae smygwr sy'n defnyddio'r gwasanaeth bedair gwaith yn fwy tebygol roi'r gorau i smygu
1.jpg)
Rydych wedi llwyddo i roi'r gorau i smygu ac rydych yn teimlo'n eithaf hyderus. Llongyfarchiadau! Fodd bynnag, mae'n bwysig cofio nad hyn yw diwedd eich taith. Gallech deimlo ysfa i smygu pan na fyddwch yn ei disgwyl. Efallai y gallwch baratoi ar gyfer y sefyllfaoedd hyn cyn iddynt ddigwydd.
Mae dadlau â theulu neu ffrindiau, straen yn y gwaith neu brofedigaeth oll yn gysylltiedig ag ailddechrau smygu. Gall bod yn ymwybodol o'r sefyllfaoedd hyn a chynllunio strategaethau ymdopi olygu'r gwahaniaeth rhwng dychwelyd i smygu'n rheolaidd a rhoi'r gorau i smygu'n llwyddiannus.
Beth allwch chi ei wneud?
- Nodi eich sefyllfaoedd anodd cyn iddynt ddigwydd
- Cynllunio sut y byddwch yn ymdopi - meddyliwch am y pethau y gallwch eu gwneud pan fydd sefyllfa anodd yn codi
- Ceisiwch gofio beth rydych yn bwriadu'i wneud ac ymarfer ei wneud. Fel hyn fe welwch eich bod yn ymateb yn awtomatig
Dyma rai enghreifftiau o sbardunau cyffredin ynghyd â rhai awgrymiadau o sut y gallech ddelio â hwy. Efallai fod gennych rai syniadau eich hun am sut i ymdopi â'r sefyllfaoedd hyn
| Sefyllfa | Ein Hawgrym | |
| Beth i'w Gofio | Beth i'w Wneud | |
| Cael newyddion drwg | Ni fydd smygu yn newid y newyddion drwg, ac ni fydd yn ateb unrhyw broblemau, dim ond yn ychwanegu atynt | Ewch i grio neu siaradwch â rhywun. Gwnewch amser i chi eich hun |
| Ar ôl ffrae | Gallwch ymdopi â'r sefyllfa heb smygu | Gadewch y broblem am rai munudau; cymerwch bum anadl ddofn, ymlaciwch, ewch am dro |
| Bod gydag smygwyr | Mewn gwirionedd maen nhw am roi'r gorau iddi hefyd | Ceisiwch beidio â chael yr un pwff o sigarét |
| Yfed alcohol | Gallwch ddysgu mwynhau diod heb smygu | Cadwch eich dwylo yn brysur; chwaraewch gyda'ch allweddi |
Os oes gennych unrhyw awgrymiadau ar gyfer sut i barhau i beidio â smygu, rhowch wybod i ni.
Teimlo'n hyderus iawn? Efallai y byddwch yn cael eich temtio i brofi eich hun. Peidiwch byth â meddwl y gallwch gael dim ond un pwff o un sigarét! Mae'n risg fawr. Rydych wedi gwneud yn arbennig o dda a gall dim ond un pwff o sigarét eich arwain yn ôl i smygu'n rheolaidd eto drwy ailddeffro'r derbynyddion nicotin yn eich corff.
Gyda'n cymorth ni, ni fyddwch yn rhoi'r gorau i roi'r gorau iddi. Ffoniwch ein llinell gymorth am ddim ar 0800 085 2219 i siarad ag un o'n cynghorwyr cyfeillgar am sesiynau grŵp Dim Smygu Cymru.