Sut mae'r Gwasanaeth yn Gweithio

Pan fyddwch yn penderfynu rhoi'r gorau i smygu nid oes rhaid i chi wneud hynny ar eich pen eich hun. Mae Dim Smygu Cymru yn wasanaeth am ddim gan y GIG i helpu pobl yng Nghymru i roi'r gorau i smygu.

Gwyddom nad yw rhoi'r gorau i smygu yn hawdd. Dyna pam bod ein gwasanaeth yn cynnig ymagwedd grŵp cyfeillgar a fydd yn eich helpu i roi'r gorau i smygu ac yn rhoi cymorth parhaus i'ch helpu i beidio ag ailddechrau smygu.

Rydych bedair gwaith yn fwy tebygol o roi'r gorau iddi gyda rhaglen gymorth fel Dim Smygu Cymru na phe baech yn ceisio gwneud hynny ar eich pen eich hun. 

Rydym yn cynnal rhaglenni cymorth grŵp dros chwe wythnos ledled Cymru a gallwch ddod o hyd i grŵp ar adeg ac mewn lleoliad sy'n addas i chi. Mae sesiynau grŵp yn dechrau ychydig wythnosau cyn eich bod yn bwriadu rhoi'r gorau iddi ac maent yn eich helpu i baratoi ar gyfer eich dyddiad rhoi'r gorau iddi. Mae'r sesiynau grŵp yn para chwe wythnos.

Ar ôl i chi roi'r gorau iddi gallwch barhau i gwrdd â'ch grŵp dros gyfnod y rhaglen am gyngor a chymhelliant, gan eich helpu i beidio ag ailddechrau smygu.

Os hoffech roi'r gorau i smygu, siaradwch ag aelod o'n tîm cyfeillgar am ddim ar 0800 085 2219.

Dogenfen i NHS Smokefree Lloegr (Dogfen allanol)
Dogfen i Can Stop Smoking Yr Alban (Dogfen allanol)